ویب ڈیسک : پاکستان آئیڈل کی ونر حرا قیصر پہلی بار کراچی میں اپنی آواز کا جادو جگائیں گی۔
آرٹس کونسل کے 3 روزہ میوزک فیسٹیول میں پاکستان آئیڈل کے اسٹارز پہلی بار ایک بڑے لائیو کنسرٹ میں آواز کا جادو جگائیں گے، حمیرا چنا اور غلام عباس سمیت نئی آوازیں3 روز تک سماعتوں میں رس گھولیں گی۔
صدر آرٹس کونسل محمد احمد شاہ نے جنگ کو بتایا کہ پاکستان آئیڈل کے ذریعے بہترین آوازیں سامنے آئی ہیں۔
احمد شاہ کے مطابق ہم نے فیصل آباد، لاہور، ملتان اور کراچی سے پاکستان آئیڈل کے ستاروں کو مدعو کیا ہے، پاکستان آئیڈل 2026 کی ونر حرا قیصر بھی اپنی آواز کا جادو جگائیں گی۔