(زین مدنی ) اداکارہ ماہرہ خان اور مہوش حیات نے گزشتہ روز پنجاب انسٹی ٹیوٹ آف کارڈیالوجی پر ہونے والے وکلا کے حملے پر اپنا رد عمل دیتے ہوئے افسوس کا اظہار کیا ہے۔
گزشتہ روز لاہور میں وکلا نے ڈاکٹرز کے ساتھ تنازع پر امراض قلب کے ہسپتال پی آئی سی پر دھاوا بول دیا تھا جس کے باعث چار مریض طبی امداد نہ ملنے کی وجہ سے زندگی کی بازی ہارگئے تھے اداکارہ ماہرہ خان نے واقعے پر شدید الفاظ میں مذمت کرنے کے ساتھ ملک میں پھیلنے والے انتشار پر خوف کا اظہار کیا ہے۔
Even in WAR you do NOT attack HOSPITALS!! These are the law makers, the providers of justice, the educated ones of our country.. scary scary to see. #Lahore #Lawyers
— Mahira Khan (@TheMahiraKhan) December 11, 2019
ماہرہ نے واقعے پر شدید الفاظ میں مذمت کرتے ہوئے کہا ہے کہ جنگ میں بھی اسپتالوں پر حملہ نہیں کیا جاتا۔ کیا یہ لوگ قانون سازی کرنے والے ہیں، یہ لوگ انصاف مہیا کرنے والے ہیں۔ کیا یہ ہمارے ملک کے تعلیم یافتہ لوگ ہیں۔ یہ سب دیکھ کر نہایت خوف محسوس ہورہا ہے۔ جبکہ سماجی رابطے کی ویب سائٹ ٹوئٹر پر مہوش حیات نے پی آئی سی پر ہونے والے حملے کی ویڈیو شیئر کرتے ہوئے لکھا کہ یہ سب سن اور دیکھ کر سوچ رہی ہوں کہ ہمارے ملک میں ہو کیا رہا ہے؟
Beyond dismayed to see these images & hear about what is happening back home. What hope is there for our nation if everyone resorts to mob violence to resolve their issues?! You’d think that these lawyers whose job is to uphold the law would know better#Lawyers #PICunderattack pic.twitter.com/COuuuow2AV
— Mehwish Hayat TI (@MehwishHayat) December 11, 2019
مہوش حیات نے اپنے ٹوئٹ میں لکھا کہ اس حملے کے بعد ہم بطور قوم کیا امید رکھیں کہ ہر شخص اپنے مسئلے کے حل کے لیے ہجوم جمع کرے اور تشدد کا راستہ اختیار کرے گا؟ انہوں نے یہ بھی لکھا کہ آپ سب جانتے ہیں کہ ان وکلا کی ملازمت قانون کی رکھوالی اور اسے بہتر انداز سے جاننا ہوتا ہے۔ مہوش حیات نے اپنے ٹوئٹ کے آخر میں ہیش ٹیگ لائیرز اور پی آئی سی انڈر اٹیک بھی لکھا۔