سٹی 42: پاکستان مسلم لیگ (ن) کے صدر اور سابق وزیراعظم محمد نوازشریف مرحوم سینیٹر عرفان صدیقی کے گھر  پہنچ گئے ۔محمد نوازشریف نے  سینیٹر عرفان صدیقی کے اہل خانہ سے ملاقات  کی ، فاتحہ خوانی اور اظہار ہمدردی کیا۔

محمد نواز شریف نے کہا،عرفان صدیقی کی وفات میرے لئے بہت گہرا اور بڑا صدمہ ہے، عرفان صدیقی بہت قابل ، باصلاحیت اور عالم انسان تھے، عرفان صدیقی وفا اور خلوص کا پیکر تھے ۔

محمد نوازشریف نے کہا عرفان صدیقی نے صحافت کے بعد سیاستدان کے طورپر بھی اپنی صلاحیتوں کا لوہا منوایا ،میری سینیٹر عرفان صدیقی سے قلبی تعلق تھا، ایک قریبی بھائی کی وفات پر اپنا دکھ بیان نہیں کرسکتا۔مشکلات کے دور میں اُن کے دانشمندانہ مشوروں کا بڑا ہاتھ رہا۔
مرحوم سینیٹر عرفان صدیقی کے صاحبزادے عمران صدیقی نے آمد اور تعزیت پر محمد نوازشریف کا شکریہ ادا کیا۔نائب وزیراعظم اور وزیر خارجہ اسحاق ڈار، سینیٹر پرویز رشید بھی اس موقع پر موجود تھے