(سٹی42)وی وی آئی پی موومنٹ، تبدیلی آگئی،وزیراعظم کی لاہور آمد پر شہر کے مشہورجیلانی پارک کو شہریوں کے لیے بند کردیا گیا۔
تفصیلات کے مطابق وزیراعظم عمران خان آج ایک روزہ دورہ پر لاہور آئیں گے, وزیراعظم جیلانی پارک میں میاواکی کے آغاز کی تقریب میں شرکت کریں گے،آج جیلانی پارک میں کوئی عام آدمی داخل نہیں ہوسکے گا، پارک کی کینٹین کھلےگی نہ جھیل میں کشتی چلے گی،شہریوں کا داخلہ ممنوع قراردیاگیا، جیلانی پارک میں وزیراعظم عمران خان نے شجرکاری مہم کا آغاز کرنا ہے۔
ذرائع ابلاغ کے مطابق پہلی بار پروٹوکول کی وجہ سے جیلانی پارک کو مکمل بند کردیا گیا، گلشن اقبال پارک میں دہشت گردی کے بعد جیلانی پارک کو بھی سیکورٹی خدشات کی وجہ سے بند کیا گیا تھا،دوسری مرتبہ کورونا کی وجہ سے پارک بند تھا،سیاسی موومنٹ کی وجہ سے پہلی بار پارک بند کیا گیا۔
واضح رہے کہ وزیراعظم عمران خان کو دورہ لاہور کے دوران فضائی آلودگی پر قابو پانے اور ماحولیاتی تحفظ کے لئےبریفنگ دی جائےگی ۔51 اربن فارسٹ سائٹس کے ہدف کی پیشرفت پر بریفنگ دی جائے گی۔وزیراعظم یونیورسل ہیلتھ کوریج کی فراہمی کے لئےاجلاس کی صدارت کریں گے،فروٹ و سبزی منڈیوں میں اضافے کےاقدامات پر اجلاس منعقد ہو گا۔
وزیراعظم آٹے کی قیمت میں کمی کے لئے اجلاس کی صدارت کریں گے۔ علاوہ ازیں وزیراعلیٰ پنجاب عثمان بزدار ون آن ون ملاقات بھی کریں گے۔وزیر اعظم سے پارٹی کے پنجاب کے سینئر وزرا بھی ملاقات کریں گے۔ وزیراعظم فاریسٹ کمپین کے حوالے سے پودا لگا کر افتتاح بھی کریں گے۔ وزیراعظم راوی اربن ڈویلپمنٹ اتھارٹی کے حوالے سے بھی تقریب میں شریک ہوں گے۔
قبل ازیں اپنے ایک روزہ دورہ لاہور پر انہوں نے مختلف انتظامی اجلاسوں کی صدارت کی تھی،قبضہ مافیا کے خلاف پنجاب حکومت نے کیا اقدامات کا جئرہ لیا، وزیراعظم عمر ان خان کو واگزار کرائی کمرشل و زرعی اراضی کے بارے بریفنگ دی گئی،وزیر اعظم نےصنعتوں کے لئے کی کارکردگی اور ان کو درپیش مسائل کے فوری حل کرنے کی بھی ہدایت کی تھی۔