زاہد چوہدری: کورونا کے بڑھتے ہوئے کیسز کے پیش نظرلاہورکے مزید علاقوں میں سمارٹ لاک ڈاؤن، زیادہ کورونا ٹیسٹ مثبت آنے والوں علاقوں میں سمارٹ لاک ڈاؤن لگایا جا رہا ہے،سیکرٹری پرائمری اینڈ سیکنڈری ہیلتھ کیئر نے کہا ہے کہ لاہور کے مزید 13 علاقوں میں سمارٹ لاک ڈاؤن لگا دیا گیا۔

سیکرٹری پرائمری اینڈ سیکنڈری ہیلتھ کیئر  کا کہنا تھا کہ کچا مشن داس،گلی میاں وچو والی رنگ محل،گلی نمبر 7 اندرون شیراں والا گیٹ، فضل سویٹس والی گلی موچی گیٹ،گلی کوشا عالم یاربھاٹی گیٹ،مکان نمبر  100اسلامیہ پارک، گلی نمبر61، المدد پاک کالونی راوی روڈ،گلی طفیل قلعہ لکشمن میں سمارٹ لاک ڈاؤن لگا دیا گیا۔

کیپٹن(ر)محمد عثمان کا کہنا تھا کہ گلی نمبر 3راوی روڈ،گلی نمبر13قصور پورہ،بادامی باغ میں مین گلی کھوکھر روڈ،گلی نمبر 6داتا نگر،گلی نمبر 7-Aصدیقیہ کا لونی،گلی نمبر 3محلہ کچی آبادی اقبال پارک کے علاقوں کو بند کر دیا گیا،  لاک ڈاؤن والے علاقوں میں تمام شاپنگ مالز،ریسٹورانٹ،دفاتر(نجی اور سرکاری)بند رہیں گے۔

سیکرٹری پرائمری اینڈ سیکنڈری ہیلتھ کیئر کا کہنا تھا کہ علاقہ مکینوں کی نقل و حمل محدود ہو گی، انتہائی ضرورت کے پیش نظر ایک فرد ایک سواری استعمال کر سکے گا، ہر قسم کے اجتماعات پر مکمل پابندی ہو گی، تمام میڈیکل سروسز، فارمیسی، میڈیکل سٹور،لیبارٹریاں،کولیکشن پوائنٹس،ہسپتال اور کلینکس 24 گھنٹے کھلے رہے گے۔

کیپٹن(ر)محمد عثمان کا مزید کہنا تھا کہ ملک شاپس،چکن اور گوشت/مچھلی کی شاپس اور بیکریاں صبح 7سے شام 7بجے تک کھلی رہیں گی، گروسری سٹورز،جنرل سٹورز،آٹا چکیاں،فروٹ،سبزی کی دوکانیں، تندور اور پیڑول پمپس 9بجے سے شام 7بجے کھل سکیں گی۔ سمارٹ لاک ڈاؤن کا مقصد کورونا سے زیادہ متاثر ہونے والے علاقوں سے لوگوں کی آمدورفت کو محدود کرنا ہے۔

سیکرٹری پرائمری اینڈ سیکنڈری ہیلتھ کیئر کا مزید کہنا تھا کہ متاثر ہ علاقوں میں سمارٹ لاک ڈاؤن سے ہی کورونا سے زیادہ لوگوں کو متاثر ہونے کے خطرے سے بچا یا جا سکتاہے، احتیاط نہ کرنے سے کورونا وائرس دوبارہ تیزی سے پھیل سکتا ہے، یاد رکھیے پہلے سے زیادہ احتیاط کر کے ہی اس موذی بیماری دوبارہ پھیلاؤ سے بجا جا سکتا ہے۔