سٹی42: نواز شریف کی لندن موجودگی کے دوران ان کے گھر کے باہر پی ٹی آئی کے کارکنوں نے ہنگامہ کر دیا، پولیس نے کم از کم ایک شخص کو گرفتار کر لیا۔
مسلم لیگ ن کے صدر اور سابق وزیراعظم میاں نوازشریف کی لندن مین اپنی رہائش گاہ آمد کے موقع پر مسلم لیگ نون کے کارکن ان کے استقبال کے لئے جمع ہوئے تو پی ٹی آئی کے کچھ بدنام لوگ بھی وہاں رنگ میں بھنگ ڈالنے کے لئے پہنچ گئے۔ پولیس نے کئی افراد کو گرفتار کر لیا۔
لندن ک میں میاں نواز شریف کی ایون فیلڈ اپارٹمنٹ پر آمد سے پہلے ہی ن لیگ کے کارکنوں کی بڑی تعداد نواز شریف کے استقبال کیلئے پہنچ گئی تھی۔
ڈھول بجانے والوں نے ڈھول بجا کر نوازشریف کی آمد پر پرجوش استقبال کا ماحول بنا دیا تھا۔ مسلم لیگ نون کے کارکن نواز شریف کے استقبال کے لئے زندہ باد کے نعرے لگا رہے تھے، اسی دوران وہاں پی ٹی آئی کے بعض لوگ بھی آ گئے جنہوں نے نواز شریف کے خلاف نعرے لگائے اور آوازے کسنا شروع کر دیا۔ اس پر مسلم لیگ نون کے کارکن مشتعل ہوئے۔ پی ٹی آئی اور ن لیگ کے کارکنوں نے ایک دوسرے کے خلاف نعرے بھی لگائے اور آمنے سامنے آگئے۔
