ویب ڈیسک: سماجی رابطے کی فوٹو اینڈ شیئرنگ ایپ انسٹا گرام پر ڈاکٹر عامر لیاقت نے اپنی تیسری بیوی کے ہمراہ تصویر شیئر کی اور کیپشن دیتے ہوئے لکھا کہ میں نے 18 سالہ سیدہ دانیا شاہ کے ساتھ نکاح کر لیا ہے۔ یہ پوسٹ شیئر کرنے کی دیر تھی کہ خبر سوشل میڈیا سمیت دیگر پلیٹ فارمز پر جنگل میں آگ کی طرح پھیل گئی۔ صارفین کی جانب سے ان کی تیسری شادی پر مبارک باد دی جارہی ہے اور ساتھ ہی تنقید بھی کرتے دکھائی دے رہے ہیں۔
سوشل میڈیا پر عامر لیاقت حسین کی تیسری اہلیہ سیدہ دانیہ شاہ کی والدہ کا ایک ویڈیو بیان وائرل ہورہا ہے جس میں اُنہوں نے کہا کہ ’میں نے اپنی بیٹی کی شادی عامر لیاقت حسین سے کر دی ہے اور میں بہت خوش ہوں۔‘ اُنہوں نے کہا کہ میری دل سے دُعا ہے کہ میری بیٹی اور عامر لیاقت حسین ایک ساتھ بہت خوش رہیں۔ میں دُعا کرتی ہوں کہ میری بیٹی اور عامر لیاقت حسین کا یہ رشتہ ہمیشہ قائم رہے۔‘
View this post on Instagram
سیدہ دانیا شاہ کا مزید کہنا تھا کہ اللّہ تعالیٰ میری بیٹی اور عامر لیاقت حسین کو اپنے حفظ و امان میں رکھے۔ جو لوگ ہم سے پیار کرتے ہیں وہ بھی میری بیٹی اور عامر لیاقت کی خوشیوں بھری زندگی کے لیے دُعا کریں۔
View this post on Instagram
واضح رہے کہ عامر لیاقت نے لودھراں سے تعلق رکھنے والی 18 سالہ سیدہ دانیہ شاہ سے تیسری شادی کی ہے۔ 49 سالہ عامر لیاقت نے بتایا کہ دانیہ شاہ کا تعلق ایک شریف گھرانے سے ہے اور وہ سرائیکی ہیں۔ قبل ازیں عامر لیاقت نے سیدہ طوبیٰ انور سے دوسری شادی کی تھی جو کہ اب شوبز انڈسٹری کا حصہ ہیں۔