جنید ریاض: سکول ایجوکیشن ڈیپارٹمنٹ نے چھوٹے بچوں کی چھٹیوں کا نوٹیفکیشن جاری کردیا۔ 

نوٹیفکیشن کے مطابق کلاس ای سی ای، نرسری اور پریپ کے بچوں کو 19 جنوری تک چھٹیاں دے دی گئی، اساتذہ اور بچے ماسک پہن کر سکول آئیں گے، طالبعلم سردی سےبچنے کیلئے کسی بھی قسم کا گرم یونیفارم پہن سکیں گے۔ مارننگ اسمبلی اور آوٹ ڈور ایکٹویٹی پر 31 جنوری تک پابندی ہوگی۔ بیمار طلباء کو فوری طور پر گھر بھیجوایا جائے گا۔ 

 سکول ایجوکیشن ڈیپارٹمنٹ کے جاری کردہ مراسلے کے مطابق 31 جنوری تک تمام امتحانات پر پابندی ہوگی۔ 

واضح رہے کہ نوٹیفکیشن کا اطلاق سرکاری و پرائیوٹ دونوں سکولوں پر ہوگا۔