سٹی42: شہر لاہور میں ٹریفک حادثات کا سلسلہ تھم نہ سکا ۔ گزشتہ 24 گھنٹوں کےدوران ریسکیو 1122 کومختلف علاقوں میں ہونےوالے237 ٹریفک حادثات رپورٹ ہوئے ۔
ریسکیو1122 کے اعداد و شمار کے مطابق گزشتہ 24 گھنٹوں کے دوران شہر کے مختلف علاقوں میں ہونے والے 237 ٹریفک حادثات پر امدادی ٹیمیں روانہ کی گئیں۔حادثات میں مجموعی طور پر 223 افراد زخمی ہوئے۔91 زخمیوں کو فوری طبی امداد کے لئے مقامی ہسپتالوں میں منتقل کیا گیا جبکہ 132 معمولی زخمیوں کو موقع پر فرسٹ ایڈ فراہم کی گئی۔
ریسکیو حکام کا کہنا ہے کہ ٹریفک حادثات تیز رفتاری، غفلت برتنے اور ٹریفک قوانین کی خلاف ورزی کے باعث پیش آئے ۔