ویب ڈیسک: سانحہ مری نے پوری قوم کو افسردہ کردیا ہے، سیاسی و سماجی شخصیات سمیت ہر کوئی اس واقعے پر رنج و غم میں متبلا ہے۔ افواج پاکستان اور سول انتظامیہ  امدادی سرگرمیوں میں پیش پیش ہیں جبکہ برفباری سے متاثرہ مری کی تمام اہم شاہراہوں کو ٹریفک کیلئے کلیئر کردیا گیا۔

ترجمان پنجاب پولیس کے مطابق مری کی تمام اہم شاہراہوں کو ٹریفک کے لیےکلیئر کر دیا گیا ہے، جھیکاگلی سے لوئر ٹوپہ ایکسپریس ہائی وے اور  لارنس کالج والی روڈ ٹریفک کے لیے کلیئر کر دی گئی ہے جبکہ راولپنڈی و اسلام آباد سے مری آنے والے راستےبند ہیں اور امدادی گاڑیوں کے علاوہ سیاحوں کے مری داخلے پر آج بھی پابندی برقرار ہے۔ 

مری کی تمام مین شاہراہوں کو ٹریفک کے لیے کلیئر کر دیا گیا ہے۔ مری سے رات گئے 600 سے 700 گاڑیوں کو نکالا گیا، راولپنڈی پولیس، ضلعی انتظامیہ،پاک فوج کے جوان اور ہمارے مقامی لوگ رات بھر متحرک رہے۔راولپنڈی اسلام آباد سے مری آنے والے راستوں پر پولیس موجود ہے، راستے آج بھی بند رہیں گے pic.twitter.com/Bdr5QOOO2H

— Dr. Shahbaz GiLL (@SHABAZGIL) January 9, 2022

دوسری جانب گلیات میں سڑکوں کی صفائی کیلئے آپریشن جاری ہے، ترجمان جی ڈی اے کا کہنا ہے کہ آپریشن کےدوران پھنسے سیاح اور ان کی گاڑیاں ریسکیو کی گئیں، گلیات میں جلد تمام سڑکیں کھول دئیے جائیں گے، سڑکیں کھولنے کے لئے بھاری مشینری استعمال کی جارہی ہے۔گلیا ت میں سیاحوں کی گاڑیاں داخل ہونے پر بھی پابندی لگائی گئی ہے۔ ان کا مزید کہنا تھا کہ ہوٹل مالکان کو پابند بنایاگیا ہے کہ سیاحوں کو ہوٹلوں سے باہر نہ نکلنے دیں۔