سروس ایکٹ ختم کیا تو۔۔ینگ ڈاکٹرز نے حکومت کو بڑی دھمکی دیدی

سروس ایکٹ ختم کیا تو۔۔ینگ ڈاکٹرز نے حکومت کو بڑی دھمکی دیدی


(سٹی 42) ینگ ڈاکٹر زایسوسی ایشن کا کہنا ہے کہ حکومت حیلے بہانوں سے ہسپتالوں کی نجکاری کررہی ہے۔ ڈپریشن کے سبب ڈاکٹر خودکشیاں کر رہےہیں۔ سروس ایکٹ ختم کیا تو احتجاج کریں گے۔

وائے ڈی اے کے رہنماؤں نے پریس کانفرنس کرتے ہوئے کہا کہ شیخ زید ہسپتال کے برطرف کیے جانے والے چاروں ڈاکٹروں کو واپس لایا جائے، ان کی بحالی تک میدان سجائے رکھیں گے۔ ہماری آواز کو دبانے کے لئے برطرفی اور ٹرانسفر جیسی کارروائیاں کی جارہی ہیں۔ ہم ڈرنے والے نہیں ہیں، اپنی آواز بلند کریں گے، احتجاج ریکارڈ کروائیں گے۔

وائے ڈی اے پنجاب  کے صدر قاسم اعوان نے پیر تک احتجاج کا لائحہ عمل دینے کا اعلان کردیا۔