سٹی42:  خیبر پختونخوا کی حکومت نے  سیاحت کے لئے مشہور مقامات کو سیاحوں کے لئے مکمل بند کر دیا۔

 کاغان   پلدران سے بابوسر ٹاپ تک سڑک کو   برفباری کے باعث ہر قسم کی ٹریفک کے لیے بندکر دیا گیا ہے۔ کاغان اور ناران کی وادیاں سیاحوں اور باہر سے آنے والوں کے لئے بند کر دی گئی ہیں۔ 

مانسہرہ کے ڈپتی کمشنر نے بتایا ہے کہ  سردی کی شدت، ٹمپریچر بہت زیادہ گر جانے کی وجہ سے سیاحوں کی زندگیوں کی حفاظت کو یقینی بنانے کے لئے کاغان ویلی ناران کو سیاحوں کے لیے مکمل طور پر بند کر  دیا گیا  ہے۔ 
مانسہرہ میں  ڈپٹی کمشنر  نے ایک ایدوائزری جاری کی ہے، اس میں مسافروں سے گزارش  کی گئی ہے کہ شمالی علاقوں کی طرف سفر کے لیے کے کے ایچ (قراقرم ہائی وے) استعمال کریں۔ مانسہرہ ےک راستوں کو بند سمجھیں۔  
ضلعی انتظامیہ نے  تھانہ ناران سے پولیس کے اہلکاروں کو سردی کی شدید لہر سے بچانے کے لئے  نیچے  واپس بلا لیا ہے۔
کاغان سے آگے تمام پولیس چیک پوسٹیں عارضی طور پر  ختم کر دی گئی  ہیں۔ ان تمام چیک پوسٹوں پر اور ملحقہ علاقہ مین اب کوئی پولیس محافظ موجود نہیں ہو گا۔
ڈپی کمشنر کے آفس نے آج شاہرہ کاغان کی بابو سرٹاپ تک مکمل بندش کا نوٹفیکشن بھی جاری کر دیا  ہے۔ 

آج سے  کاغان کے علاقہ میں برف باری دیکھنے کے لئے آنے والے  سیاح صرف  کاغان تک سفر کر سکیں گے۔ 
 ڈپٹی کمشنر آفس کے ذرائع نے بتایا کہ اب کاغان، ناران کی وادیوں کو موسمِ بہار آنے تک بند ہی تصور کیجئے۔  آنے والے مہینوں میں سردی زیادہ پرے گی اور انسانی زندگیوں کی حفاظت کے لئے ان وادیوں کو اور دیگر بلند علاقوں کو باہر سے آنے والوں کے لئے بند رکھا جائے گا۔