لاہور میں بجلی کی غیر اعلانیہ لوڈشیڈنگ جاری، شہری اذیت میں مبتلا

لاہور میں بجلی کی غیر اعلانیہ لوڈشیڈنگ جاری، شہری اذیت میں مبتلا


(سالک نواز) لاہور کے مختلف علاقوں میں بجلی کی غیر اعلانیہ لوڈشیڈنگ کے باعث شہری اذیت میں مبتلا ہیں، انکا کہنا ہے کہ سخت گرمی کے موسم میں کئی کئی گھنٹے بجلی کی غیر اعلانیہ لوڈشیڈنگ سے روز مرہ کا کام اور کاروبار بند ہو کر رہ گیا۔

یہ بھی لازمی پڑھیں:بولو لاہور 20نومبر 2018    

 تفصیلات کے مطابق لاہور کے مختلف علاقوں میں گھنٹوں بجلی کی غیر اعلانیہ لوڈشیڈنگ کا سلسلہ جاری ہے جس کے باعث خواتین، بزرگ، نوجوان اور بچے سبھی اذیت کا شکار ہیں۔

شہریوں کا کہنا ہے کہ غیر اعلانیہ لوڈشیڈنگ کا خاتمہ حکومت کی اولین ترجیحات میں شامل ہونا چاہیے جبکہ گرمی کی شدت اور لوڈشیڈنگ میں اضافے سے عام شہریوں کے معاملات زندگی بری طرح متاثر ہو رہے ہیں۔

دوسری جانب دکانداروں کا کہنا ہے کہ بجلی کی غیراعلانیہ لوڈشیڈنگ سے انکا کاروبار تباہ ہو کر رہ گیا۔

شہریوں نے متعلقہ حکام اور حکومت سے مطالبہ کیا  کہ لوڈشیڈنگ کے جن پر قابو پانے کے لیے زبانی جمع خرچ کی بجائے عملی اقدامات کیے جائیں۔