ویب ڈیسک : سندھ کے ضلع جامشورو سے کوٹری بلاک ون سے گیس کے نئے ذخائر دریافت ہو گئے۔

پاکستان پیڑولیم نے گیس ذخائر کی دریافت پر پاکستان اسٹاک ایکسچیبج کو خط لکھ کر مطلع کردیا، کہا کہ کوٹری بلاک میں واقع بارکی ون کنوئیں میں کھدائی کاعمل 21جولائی 25 میں شروع ہوا، کنوئیں کی کھدائی 3 ہزار 392 فٹ گہری کی گئی اور ہائیڈرو کاربن امکانات کا جائزہ لیا گیا۔ کنوئیں میں کمپلیشن انٹیگریٹی ٹیسٹ کے دوران 1.5 ملین مکعب فٹ یومیہ گیس ذخائر ملے، کنوئیں سے حاصل گیس کے بہاؤ کو بہتر کرنے کیلئے ایسڈ اسٹیومولیشن کا عمل سرانجام دیا۔

خط میں لکھا گیا ہے کہ کنوئیں سے حاصل گیس کا بہاؤ بڑھ کر یومیہ 5.5 ملین مکعب فٹ تک پہنچ گیا، کنوئیں سے حاصل گیس کا بہاؤ 460 پاؤنڈ فی مربع انچ سے زیادہ ہے۔

کوٹری نارتھ بلاک میں واقع مزید کنوؤں سےگیس حاصل کرنے کیلئےجانچ پڑتال کاعمل شروع کر دیا گیا ۔