تحریک لبیک کے بعد 'انصار الاسلام' کو بھی بڑا ریلیف مل گیا

Ansar Ul Islam JUI
کیپشن: Ansar Ul Islam
سورس: google
Stay tuned with 24 News HD Android App
Get it on Google Play

قیصر کھوکھر: محکمہ داخلہ نے بالا آخر انصار الاسلام پر پابندی لگانے کا ریفرنس کابینہ سے واپس منگوالیا۔

پنجاب حکومت مولانا فضل الرحمن کے سامنے جھک گئی۔تفصیلات کے مطابق محکمہ داخلہ نے چند ماہ قبل کابینہ کو انصار اسلام پر پابندی لگانے کا ریفرنس ارسال کیا تھا۔ کئی ماہ تک محکمہ داخلہ نے اس کی پیروی ہی نہ کی، محکمہ داخلہ نے اب یہ ریفرنس بغیر کسی کاروائی کے ود ڈرا کر لیا ہے۔واضح رہے کہ انصار الاسلام مولانا فضل الرحمن کی مبینہ عسکری تنظیم ہے۔

دوسری جانب وزیراعظم عمران خان کے بعد وفاقی کابینہ نے بھی تحریک لبیک پاکستان پر عائد پابندی ہٹانے کے لیے بھیجی گئی وزارت داخلہ کی سمری کی منظوری دے دی، جس کے بعد نوٹیفکیشن بھی جاری کردیا گیا۔

کابینہ ڈویژن سے جاری نوٹیفکیشن میں کہا گیا ہے کہ 'کابینہ نے 6 نومبر 2021 کو داخلہ ڈویژن سے جمع کرائی گئی سمری کا جائزہ لیا جو رولز آف بزنس کے رول 17 ون بی اور 19 ون کے تحت تحریک لبیک پاکستان سے پابندی ہٹانے کے لیے بھیجی گئی تھی, کابینہ نے سمری کے پیراگراف نمبر 8 پر دی گئی تجویز کی منظوری دیدی ہے ۔