سٹی 42 : وفاقی بجٹ 2026,27 کی اعلان کردہ تاریخ میں پھر سے ردوبدل کا امکان ہے ۔ 

ذرائع کے مطابق بجٹ دس جون کی بجائے بارہ جون کو پیش کئے جانے بارے مشاورت جاری ہے۔ بجٹ کی تاریخ میں تبدیلی کے حوالے سے حتمی فیصلہ آج یا کل ہوگا۔ 

احسن اقبال کی جانب سے وفاقی بجٹ کے کئی امور تاحال فائنل نہ ہونے کی تصدیق کی گئی ۔ وفاقی وزیر احسن اقبال نے پارلیمنٹ میں صحافیوں سے غیر رسمی گفتگو کرتے ہوئے کہا کہ بجٹ کے حوالے سے ابھی چیزیں حتمی شکل اختیار کرنا باقی ہیں، اس حوالے سے بات چیت چل رہی ہے،انتہائی قلیل وقت اور محرم الحرام بھی ہے۔ 

احسن اقبال نے کہاکہ دیکھتے ہیں اسی تاریخ پر چیزیں مینج کرنا کیسے ممکن ہوتا ہے،کچھ تبدیلیاں تو بجٹ پیش کرنے کے بعد بھی چلتی رہتی ہیں ۔ انہوں نے کہا کہ ابھی تاریخوں میں ردوبدل ہوگایا کیا ہوگا یہ حتمی کچھ نہیں کہہ سکتا ۔