(ویب ڈیسک) عوام کو بجلی کا ایک اور جھٹکا لگ گیا۔ بجلی ایک روپے 55 پیسے فی یونٹ مزید مہنگی کردی گئی۔اضافہ گزشتہ مالی سال کی دوسری سہ ماہی ایڈجسٹمنٹ کی مد میں کیا گیا۔صارفین پر 39 ارب روپے کا اضافی بوجھ پڑے گا۔
تفصیلات کےمطابق بڑی عید سے قبل بجلی صارفین کو بجلی کا ایک اور جھٹکا لگ گیا، بجلی ایک روپے 55 پیسے فی یونٹ مزید مہنگی کردی گئی،اضافہ گذشتہ مالی سال کی دوسری سہ ماہی ایڈجسٹمنٹ کی مد میں کیا گیا،اضافے کا اطلاق یکم جولائی 2022 سے ہوگا۔
نیپرا نے بجلی کی قیمت میں اضافے کا نوٹی فکیشن جاری کردیا،اضافے کا بجلی صارفین پر 39 ارب روپے کا اضافی بوجھ پڑے گا، بجلی صارفین سے اضافی وصولی 3 ماہ کیلئے کی جائے گی،اطلاق لائف لائن اور کے الیکٹرک صارفین پر نہیں ہوگا۔