سٹی42: وزیرداخلہ محسن نقوی لارڈز میں پی ایس ایل روڈ شو کی مصروفیت سے فارغ ہو کر لندن میں برٹش فارن آفس پہنچ گئے۔لندن میں پاکستان کے ہائی کمشنر بھی وزیر داخلہ کے ساتھ فارن آفس گئے ہیں۔
محسن نقوی انگلینڈ کی وزارت خارجہ میں اہم ملاقات کیلئے گئے ہیں۔
ذمہ دار پاکستانی ذرائع نے بتایا کہ آج ہو رہی اہم ملاقات میں پاکستان کو سنگین جرائم میں مطلوب افراد کو پاکستان کے ھوالے کرنے کی بات کی جائے گی۔
پاکستان کی وزارت داخلہ نے کچھ روز پہلے اسلام آباد میں انگلینڈ کی ہائی کمشنر جین میریٹ کے ذریعہ حکومتِ برطانیہ سے رسمی درخواست کی کہ برطانیہ میں بیٹھ کر ریاست پاکستان کے خلاف سرگرمیوں میں ملوث افراد کو قانون کے مطابق پاکستان کے حوالے کیا جائے۔ وزیر داخلہ محسن نقوی نے خود معزز خاتون ہائی کمشنر جین میریٹ کے ساتھ ملاقات کے دوران حوالگی کے لئے قانونی دستاویزات ان کے حوالے کی تھیں۔
انگلینڈ وزٹ کے دوران محسن نقوی کی ایک بڑی مصروفیت پاکستان سپر لیگ کی پروموشن کے لئے لارڈز کے تاریخی کرکٹ سٹیڈیم میں روڈ شو تھا۔ پی ایس ایک روڈ شو خوش اسلوبی سے ہو گیا ہے اور اس تقریب کو انگلینڈ میں توقع سے برھ کر پذیرائی ملی ہے۔
پی ایس ایل روڈ شو سے فارغ ہوتے ہی محسن نقوی کی ساری توجہ پاکستان کے انگلینڈ میں بیٹھے مخالفوں پر مرکوز ہے۔