ویب ڈیسک : کراچی کے گبول ٹاون میں ایک گھر میں سلنڈر پھٹنے کی وجہ سے 6 افراد زخمی ہوگئے ۔ 

ریسکیو ٹیم کے مطابق شفیق کالونی میں گھر میں سلنڈر پھٹ گیا، دھماکہ عمارت کی پہلی منزل پرہوا، دھماکے کی وجہ سے چھت کو نقصان پہنچا، دھماکے میں 6 افراد زخمی ہوئے۔ اطلاع ملتے ہی ریسکیو ٹیم پہنچی اور زخمیوں کو طبی امداد کے لئے ہسپتال منتقل کیا گیا ہے۔

انچارج بم ڈسپوزل سکواڈ عابد خان نے میڈیا سے گفتگو کرتے ہوئے کہا کہ گیس کی لائنیں پرانی ہیں، لوگوں نے کنڈے سے گیس کنکشن لیا ہوا ہے، پرانی لائنوں سے گیس بھی لیک ہو رہی تھی۔ انہوں نے بتایا کہ تاروں میں آگ لگنے سے شارٹ سرکٹ ہوا اور پھر گیس لیکیج سے زوردار دھماکہ ہوا۔