( طیب سیف)سینیٹر علی ظفر اور نامزد اپوزیشن لیڈر علامہ راجہ ناصر عباس کی زیرصدارت سینیٹ میں اپوزیشن پارٹی پی ٹی آئی کے پارلیمانی پارٹی کا اجلاس ہوا۔

 اجلاس  کے دورن 27ویں آئینی ترمیم کے مشکوک مسودے کو مسترد کر دیا۔

 اجلاس کے بعد جاری اعلامیہ کے مطابق نورا کشتی کی راویت کو برقرار رکھتے ہوئے ایک بار پھر نون لیگ اور پی پی پی اور اتحادی پارلیمان میں قانون سازی کوبل ڈوز کیا جا رہا ہے ،تمام آئینی اور قانونی اور اخلاقی تقاضوں کو پامال کیا جا رہا ہے ۔

 اعلامیہ کے مطابق اپوزیشن جمہوریت کی اساس ہے اس سے مسودہ پس پردہ رکھ کر تمام پارلیمان اصولوں سے انحراف کیا جا رہا ہے ،یقین ہے کہ اس مسودے کے تحت بنیادی انسانی حقوق کی مزید پامالی ہو گی،عدلیہ کی آزادی اسکا تقدس اور اس کے اختیار پر مزید کم کیا جا رہا ہے۔

 پارلیمانی پارٹی نے اپویشن لیڈر کے نوٹیفیکشن نہ جاری ہونے پر تشویش کا اظہار کیا،اراکین نے مطالبہ کیا کہ بانی تحریک انصاف کے نامزد کردہ علامہ ناصر عباس صاحب کا نوٹیفیکشن جاری کیا جائے ۔

 اجلاس کےدوران 27ویں آئینی ترمیم کے خلاف اپوزیشن کو آزاد ارکان سے رابطہ کا ٹاسک بھی دے دیا گیا۔