عمر اسلم: اپوزیشن لیڈرپنجاب اسمبلی حمزہ شہبازشریف نے کہاہے کہ حکومت نے اپنی نااہلی سےہر شعبہ کو تباہ کر دیا ہے۔ کسی جماعت کو اپنی فکرنہیں ہونی چاہیئے صرف پاکستان کی فکر ہونی چاہیئے۔
احتساب عدالت میں پیشی کے بعد میڈیا سے گفتگو کرتے ہوئے اپوزیشن لیڈر پنجاب اسمبلی حمزہ شہباز نے کہا کہ حکمرانوں نے جھوٹ بولنے کے سوا کچھ نہیں کیا۔ حمزہ شہباز حکومت کی تبدیلی کےحوالے سے بولے کہ کسی غیرآئینی عمل کی بات نہیں کی بلکہ جمہوری انداز سے تبدیلی کی بات کرتے ہیں۔
اپوزیشن لیڈر پنجاب اسمبلی حمزہ شہباز احتساب عدالت کے باہر میڈیا سے گفتگو کر رہے ہیں https://t.co/Oq7Y436u7k
— PML(N) (@pmln_org) February 7, 2022
حمزہ شہبازشریف کا کہنا تھا کہ قرضہ نہیں لوں گا خودکشی کرلوں گا، کہنے والے نے شرمناک شرائط پر آئی ایم ایف سے قرضہ لیا۔ حکومت کیخلاف وفاق یا صوبہ میں پہلے کہاں تحریک عدم اعتمادلائیں گے؟ سوال کا جواب دینےسےگریز کیا، تاہم ان کا کہنا تھا کہ حکومت ناکام ہو چکی ہے۔