ویب ڈیسک:سابق وزیرِ اعظم اور پاکستان تحریک انصاف (پی ٹی آئی) کے رہنما عمران خان نے اداکار قوی خان کے انتقال پر افسوس کا اظہار کیا ہے۔
سماجی رابطے کی ویب سائٹ ٹوئٹر پر جاری کیے گئے بیان میں عمران خان نے کہا ہے کہ معروف اداکار قوی خان کی رحلت کے بارے میں جان کر رنجیدہ ہوں۔ عمران خان کا کہنا ہے کہ میری دعائیں اور ہمدردیاں ان کے اہلِ خانہ کے ساتھ ہیں۔
معروف اداکار قوّی خان کی رحلت کے بارے میں جان کر رنجیدہ ہوں۔ میری دعائیں اور ہمدردیاں انکے اہلِ خانہ کے ساتھ ہیں۔
— Imran Khan (@ImranKhanPTI) March 5, 2023
واضح رہے کہ گزشتہ روز فلم اور ٹیلی ویژن کے لیجنڈری اداکار قوی خان 80 برس کی عمر میں انتقال کر گئے تھے۔سینئر اداکار قوی خان کینیڈا میں زیر علاج تھے۔معروف اداکار قوی خان کی نمازِ جنازہ آج کینیڈا کے شہر مِسّی ساگا کی جامع مسجد کوپر روڈ میں بعد نمازِ ظہر ادا کی جائے گی۔فیملی ذرائع کا کہنا ہے کہ قوی خان کی تدفین کینیڈا میں ہی ہوگی۔