سٹی42: پی ٹی آئی کے پنجاب کے اہم لیڈر سلمان اکرم راجا نے کہا ہے کہ کل احتجاج میں لوگ کیوں نہیں پہنچے پارٹی میں اس پر بات کروں گا،  احتجاج بہتر ہوسکتا تھا اور آئندہ ہوگا،  لوگ کیوں نہیں نکلے اس پر عمران خان سے مشاورت کریں گے۔ 

سلمان اکرم نے انکشاف کیا  کہ  مکل پانچ اگست کو وہ خود  اور محمود اچکزئی کل رات11 بجے تک عمران خان کی بہنوں کےساتھ چکری انٹرچینج پر رہے، سلمان اکرم راجا نے کہا،  عمران خان  کی کال ہو تو کوئی ایم این اے بغیرمعقول وجہ کیسے دور رہ سکتا ہے، احتجاج میں شامل نہ ہونےکی اگر کوئی معقول وجہ نہیں تواسکا جواب دینا پڑے گا۔ کل پانچ اگست کو پی ٹی آئی کی قیادت نے تمام ارکان قومی اسمبلی اور سینیٹروں کو اڈیالہ جیل کے باہر آ کر احتجاج کرنے کی ہدایت کی تھی لیکن وہاں ایک بھی رکن پارلیمنٹ نہیں گیا تھا۔ پی ٹی آئی کے چئیرمین بیرسٹر گوہر خود ارکان پارلیمنٹ کو اڈیالہ جیل طلب کر کے اپنے گاؤں بونیر چلے گئے اور وہاں ایک چھوٹا سا احتجاج کروا کر واپس آ گئے۔ 

پنجاب میں کہیں بھی پی ٹی آئی سڑکوں پر کوئی قابل ذکر احتجاج ریکارڈ کروانے مین کامیاب نہیں ہوئی، خیبر پختونخوا میں بھی عوام کی پی ٹی آئی کے احتجاج مین شمولت بہت کم دیکھی گئی، حتیٰ کہ پشاور مین وزیراعلیٰ علی امین کی ریلی میں بھی بہت کم لوگ آئے اور وہ تقریر کئے بغیر واپس چلے گئے تھے۔

آج بیرسٹر گوہر نے کہا کہ ملک بھر کے 170 اضلاع، تمام تحصیلوں، یونین کونسلز میں بھرپور احتجاج ہوا، کل عوام نے ثابت کیا کہ وہ بانی پی ٹی آئی کے ساتھ ہیں۔