لاہوری مردہ گوشت کھانے سے بال بال بچ گئے

dead chicken
Chicken

ویب ڈیسک:   پنجاب فوڈ اتھارٹی نے لاہوریوں کو مردہ اور مضر صحت گوشت کھلانے کی ایک اور کوشش ناکام بنا دی۔

پنجاب فوڈ اتھارٹی کی ٹیم نے صبح سویرے کارروائی کرکے 760 کلو گرام ناقص گوشت ضبط کر کے تلف کر دیا۔ترجمان پنجاب فوڈ اتھارٹی کے مطابق لاہور میں موذی بیماریوں کا شکار اور مردہ مرغیوں کا گوشت فروخت کرنے والے شخص کو بھی پکڑ لیا  گیا ۔

پنجاب فوڈ اتھارٹی حکام کے مطابق  لاہور میں سپلائی کی جانے والی مرغیاں مردہ تھیں، اس کے علاوہ سر کی سوزش، اندھے پن، منہ اور پروں کی بیماریوں کا شکار مرغیاں بھی شہر کے مختلف مقامات پر سپلائی کی جانی تھیں۔ڈی جی فوڈ اتھارٹی کا کہنا ہے کہ عوام سست، بند آنکھوں یا نزلے کا شکار مرغی ہرگز مت خریدیں،ہمیشہ صحت مند مرغی اپنے سامنے ذبح کروائیں۔