سٹی 42 : طیارے میں اچانک فنی خرابی کے باعث کراچی سے سکھر جانے والی پرواز منسوخ کردی گئی۔ 

پی آئی اے کی کراچی سے سکھر جانے والی پرواز کے طیارے میں اچانک فنی خرابی ہوئی، پرواز پی کے 536 نے اڑان کے 17 منٹ بعد طیارے میں فنی خرابی ہوئی، جس کے بعد کپتان نے اے ٹی سی کو طیارے میں اچانک فنی خرابی کی اطلاع دی۔ 

بعد ازاں طیارے کو دوبارہ کراچی اتاردیا گیا۔ بتایا گیا ہے کہ اس طیارے میں سندھ حکومت کے وزراء بھی سوارتھے۔ 

پی آئی اے کے اے ٹی آر طیارے میں فنی خرابی کے حوالے سےمسافروں کو آگاہ کردیا گیا۔ ذرائع کا کہنا ہے کہ پی آئی اے نے پرواز منسوخ کردی۔