ڈیفنس ( سٹی42) نامور گلوکار شہزاد رائے نے کشمیری اور فلسطینی بچوں سمیت دنیا کے ہر مظلوم اور تشدد کے شکار بچے کیلئے انقلابی شاعر فیض احمد فیض کی نظم آج بازار میں پا بہ جولاں چلو گاکرریلیز کی ہے۔
گلوکار شہزاد رائے میوزک کے ذریعہ معاشرے کے سلگتے سیاسی وسماجی مسائل کو اجاگر کرنے میں نمایاں مقام رکھتے ہیں، ٹوئٹر پر نئے گانے کی ویڈیو شیئرز کرتے ہوئے انہوں نے لکھا کہ اب صرف آنسوئوں اور بے قراری کافی نہیں،آج زمانے کو بتادو کہ تم پر ظلم ہو رہا ہے، میوزک ویڈیو میں کم سن بچوں کے علاوہ شکستہ حال اور اجڑی عمارتوں کے درمیان شہزاد رائے کو پرفارم کرتے دیکھا جاسکتا ہے۔
Just heard this really thought provoking song by @ShehzadRoy Thank you for reminding us that as adults we have a duty to ensure that the lives of all children-no matter where-are free frm fear & that they’re allowed to grow up in peace.Let's not take their childhood away frm them https://t.co/xKAsPTgET2
— Mehwish Hayat TI (@MehwishHayat) August 3, 2021
گلوکار نے انسٹا پر بھی ویڈیو شیئر کرتے ہوئے سوال اٹھایا کہ کیا اسی طرح بچے مرتے رہیں گے اور ہم ڈرتے رہیں گے۔
نجی چینل کے تعاون سے ریلیز کی جانے والی اس نظم کی میوزک ویڈیو کے ڈائریکٹرفیصل قریشی ہیں اور دھن شانی حیدر نے ترتیب دی ہے، پراجیکٹ کیلئے فیض فاؤنڈیشن نے بھی معاونت فراہم کی۔
اس سے قبل فروری 2021 میں شہزاد رائے نے طنزو مزاح سے بھرپور سیاسی گانا کون کس کا آدمی ہے ریلیز کیا تھا، بچوں کے ساتھ زیادتی اورچائلڈ لیبر سمیت مختلف سماجی موضوعات پر آوازاٹھانے والے شہزاد رائے اقوام متحدہ کے خیر سگالی سفیر کی حیثیت سے بھی خدمات انجام دے چکے ہیں