عابد چودھری:سی سی ڈی چوہنگ کا مبینہ پولیس مقابلہ، ایک ملزم ہلاک دوسرا فرار ہونے میں کامیاب ہو گیا۔
پولیس ترجمان کے مطابق ہلاک شدہ ملزم عظمت علی نارووال کا رہائشی تھا۔ واقعہ ڈیفنس موڑ پر پیش آیا، جہاں سی سی ڈی نے ناکہ بندی کر رکھی تھی اور مشکوک موٹر سائیکل سواروں کو رکنے کا اشارہ کیا گیا۔
حکام کے مطابق ملزمان نے پولیس ٹیم پر فائرنگ شروع کر دی، جس کے بعد دونوں جانب سے جوابی فائرنگ ہوئی۔ فائرنگ کے دوران ایک ملزم موقع پر ہلاک اور دوسرا فرار ہو گیا۔
سی سی ڈی حکام کا کہنا ہے کہ ہلاک شدہ ملزم متعدد ڈکیتی کی وارداتوں میں اشتہاری تھا اور اس کے خلاف متعدد مقدمات درج تھے۔