ویب ڈیسک: پاکستان شوبز انڈسٹری کی معروف اداکارہ مایا علی کی طبیعت ایک بار پھر ناساز ہوگئی۔
تفصیلات کے مطابق اداکارہ مایا علی کی ایک انسٹاگرام پوسٹ پر ایک صارف نے اُن سے سوال کیا کہ انہیں معلوم ہوا ہے کہ آپ کی طبیعت ناساز ہے ، اب آپ کی طبیعت کیسی ہے؟ جواب میں اداکارہ نے کہا کہ مجھے آپ کی دعاؤں کی ضرورت ہے۔
Maya Ali requests for prayers from fans ???? We hope everything is well ???? #MayaAli pic.twitter.com/PVkl7MCljN
— Galaxy Lollywood (@galaxylollywood) September 3, 2021
واضح رہے کہ رواں برس ماہِ مئی میں بھی مایا علی کی خراب طبیعت کے حوالے سے ایک پوسٹ سامنے آئی تھی ۔اس سے قبل گزشتہ برس بھی مایا علی نے گلے کا کالر لگائے اور ہاتھ میں چائے کا کپ تھامے ایک تصویر شیئر کرتے ہوئے زندگی سے متعلق اپنے تجربے سے کچھ یوں آگاہ کیا تھا کہ جیسے انہوں نے کسی بڑی بیماری کو شکست دی ہو۔
مایا علی کا کہنا تھا کہ میں ان تمام لوگوں کی شکرگزار ہوں جو میرے ساتھ اس مشکل کے وقت کھڑے تھے اور جنہوں نے مجھے دعاؤں میں یاد رکھا۔اداکارہ کا کہنا تھا کہ خاص طور پر میں گھر والوں اور مداحوں کی شکرگزار ہوں جو میرے چہرے پر دوبارہ مسکراہٹ لے کر آئے۔