ویب ڈیسک: بالی ووڈ اداکارہ شیفالی جریوالا کے اچانک انتقال کے بعد ایک پرانا پوڈکاسٹ کلپ سوشل میڈیا پر وائرل ہو رہا ہے، جس میں میزبان پارس چھابڑا نے ان کے حالاتِ زندگی اور نجومی پہلوؤں کی بنیاد پر ان کی ’اچانک موت‘ کی تشویش ظاہر کی تھی۔

یہ ویڈیو اگست 2024 کے ایک پوڈکاسٹ کا حصہ ہے، جس میں پارس نے شیفالی کی جنم کُنڈلی  پر نظر ڈالتے ہوئے کہا گیا تھا کہ ان کے 8ویں گھر میں چاند، مرکری اور کیتو کا خاص امتزاج ہے۔

نجومی تجزیوں کے مطابق 8واں گھر اچانک نقصان، پوشیدہ راز اور موت کے معاملات سے مربوط ہوتا ہے۔ پارس نے شیفالی کے چاند کیٹو امتزاج کو بہت بری علامت قرار دیتے ہوئے نشاندہی کی کہ اس سے اضطراب اور اعصابی مسائل پیدا ہوسکتے ہیں۔

ویڈیو میں شیفالی نے خود بتایا کہ بچپن میں انہیں مرگی کا مرض تھا، لیکن طویل عرصے سے ان پر اس کے حملے نہیں ہوئے۔ وہ بتاتی ہیں کہ میں 20 سال سے مرگی سے پاک ہوں، اور یہ میں نے اپنی مستقل علاجی طرزِ زندگی، مراقبے اور یوگا کی بدولت پایا ہے۔

یاد رہے کہ شیفالی جریوالا گزشتہ ماہ 27 جون 2025 کو دنیا چھوڑ گئیں۔ ان کی عمر 42 سال تھی۔ ان کی موت نے بالی وڈ اور مداحوں میں ایک سنسنی اور افسوس کی لہر دوڑا دی، جس کے بعد سوشل میڈیا پر لوگ اس پرانے کلپ کو ’پیشگوئی‘ کے تناظر میں دیکھ رہے ہیں۔

کلپ سوشل میڈیا پر دھڑلے سے گردش کر رہا ہے، جسے بہت سے صارفین حیرت انگیز اور دل دہلا دینے والی پیشگوئی قرار دے رہے ہیں۔ کچھ لوگ اس بات پر حیران ہیں کہ پارس نے علم نجوم بنیاد پر موت کے امکان کو پیشگی زیرِ بحث لایا تھا۔