(محمدساجد) سوشل میڈیا پر وائرل ہونے والی اس ویڈیو میں دلہن کو دیکھا جاسکتا ہے جو کہ دلہے کے ساتھ بیٹھی ہے اور ایک دم کھڑی ہوکر شادی کے لئے سجائے گئے سٹیج پر جاکر ڈانس کرنے لگتی ہے، دلہن کی یہ ویڈیو تیزی کے سے وائرل ہورہی ہے۔
شادیوں پر ڈانس اور تفریحی پروگرام نہ ہوتو وہ ادھوری تصور کی جاتی ہیں، اکثر شادی کی ویڈیوز سوشل میڈیا پر وائرل ہورہی ہیں جن میں دولہا دلہن ایک منفرد انداز میں شادی کی تقریب میں داخل ہوتے ہیں اور سٹیج پر رقص کر کےمہمانوں کو محظوظ کرتے ہیں، ایک ایسی ہی ویڈیو سوشل میڈیا پر وائرل ہورہی ہے جس میں دلہن کو شادی کے لئے سجائے گئے سٹیج پر ڈانس کرتے دیکھا جاسکتا ہے۔
ویڈیو میں دیکھا جاسکتا ہے کہ دلہن دولہاکے ساتھ بیٹھی چلنے والے گانے پر دھیرے دھیرے جھوم رہی ہے اور دولہا مسکرا رہا ہے، اسی دوران دلہن اچانک کھڑی ہوکرسٹیج پر پہنچ جاتی ہے جس پر دلہا حیران رہ جاتا ہے، دلہن دلہے کو اکیلا چھوڑ کر' لگن لگی رے'گانے پر رقص کرنے لگتی ہے، دلہے نے بھی دیکھا کہ دلہن ڈانس کررہی ہےخود پر قابو نہ رکھتے ہوئے دلہن کے ڈانس کو سراہا اور تالیاں بجاتے داد دی۔
ویڈیو میں دیکھا جاسکتا ہے کہ دلہن نے سفید رنگ کےبھاری لہنگے کے ساتھ جیولری بھی پہنی ہوئی ہے جس نے اس کی خوبصورتی میں مزید اضافہ کیا، ڈانس سٹیج کے اردگرد مہمان بھی موجود ہیں جبکہ دولہا اپنی جگہ پر بیٹھا ششدر ہے۔
انسٹاگرام پر 'دی ویڈنگ والے' نام سے بنے اکاؤنٹ پر اس ویڈیو کو شیئر کیا گیا جس کے کیپشن میں لکھا کہ' حیران کن ڈانس' جب آپ کو اس طرح کا ردعمل ملتا ہے تو یہ سب اس کے قابل ہے، ہیں نہ!۔
View this post on Instagram
سوشل میڈیا صارفین نے ویڈیوکے سامنے آنے پردلہن کے اس دلکش رقص کی تعریف کرتے ملے جلے تبصروں کا اظہار کیا، ویڈیو کو اب تک 30 ہزار 5 سو سے زائد لوگ دیکھ چکے ہیں۔