سٹی 42: پی پی پی چیئرمین بلاول بھٹو زرداری نے کونسل آف نیوز پیپرز ایڈیٹرز ( سی پی این ای) کی نومنتخب قیادت کے نام تہنیتی پیغام جاری کرتے ہوئے مبارک باد دی ہے۔
چیئرمین بلاول بھٹو زرداری نےسی پی این ای کے نو منتخب صدر کاظم خان،سیکریٹری جنرل غلام نبی چانڈیو ، سینئر نائب صدر ایاز خان، نائب صدور شکیل احمد ترابی ، انور ساجدی اور سیکریٹری اطلاعات منزہ سہام سمیت تمام عہدیداران کو مبارکباددیتے ہوئے کہا کہ میڈیا کا ذمہ دار و تعمیری کردار قومی یکجہتی کو مضبوط اور جمہوریت کے چراغ کو روشن رکھتا ہے۔
  بلاول بھٹو زرداری نے کہاکہ اس پر کوئی دو رائے نہیں کہ سچ ہی قوموں کو جوڑتا اور امید کو زندہ رکھتا ہے،پیپلز پارٹی ہر اس آواز کے ساتھ کھڑی ہے جو سچ، انصاف اور عوام کے حق میں بلند ہوتی ہے۔

بلاول بھٹو زرداری نے کہاکہ پیپلز پارٹی آزادیٔ صحافت کے تحفظ اور فروغ کے لیے پُرعزم ہے۔