(ویب ڈیسک) بالی ووڈ کی سابق اداکارہ ثنا خان نے اپنے حجاب اور پردے پر تنقید کرنے والے کو کھری کھری سنا دیں۔سبھی جانتے ہیں بھارتی فلموں کی سابق اداکارہ ثنا خان گزشتہ برس اسلام کی خاطر شوبز کو خیرباد کہہ چکی ہیں اور جس کے بعد ان کی شخصیت میں بھی کافی تبدیلیاں آچکی ہیں۔
ماضی میں مغربی لباس پہننے والی سابق اداکارہ اب مکمل طور پر حجاب میں نظر آتی ہیں۔ گزشتہ برس انہوں نے مفتی انس سے شادی کی تھی اور یہ دونوں اپنی شادی شدہ زندگی میں بے حد خوش ہیں۔
گزشتہ روز ثنا خان نے اپنی حجاب میں ملبوس ایک تصویر اور چند خوبصورت باتیں سوشل میڈیا پر شیئر کیں۔ ثنا خان نے لکھا ’’سنو! لوگوں سے ڈرتے کیوں ہو؟ کیا تم نے یہ آیت نہیں پڑھی ’اللہ جسے چاہے عزت دیتا ہے، اور اللہ جسے چاہے ذلت دیتا ہے۔‘ کبھی عزتوں میں ذلت چھپی ہوتی ہے اور کبھی ذلتوں میں عزت۔ سوچنا اور سمجھنا ہمیں ہے کہ ہم کون سے راستے پر ہیں اور اصل میں ہم کس چیز کے حقدار بن رہے ہیں۔
View this post on Instagram
ثنا خان کی اس پوسٹ کو بہت سارے لوگوں نے پسند کیا لیکن کچھ لوگوں نے ان پر تنقید بھی کی۔ ایک صارف نے لکھا اتنی پڑھائی لکھائی کرکے کیا فائدہ کہ پردے کے اندر رہنا شروع کر دیا جائے۔
صارف کے سوال کے جواب میں ثنا خان نے کہا میرے بھائی جب میں پردے میں رہ کے اپنا کام کرسکتی ہوں، میرے اتنے اچھے سسرال والے اور شوہر ہیں تو مجھے اور کیا چاہئے۔ سب سے بڑی بات اللہ میری ہر قدم پر حفاظت کررہا ہے الحمداللہ۔ اور میں اپنی تعلیم بھی مکمل کرچکی ہوں تو کیا یہ میرے حق میں نہیں کہ پردے میں رہوں؟