(مانیٹرنگ ڈیسک) پاکستان کی معروف اداکارہ ماہرہ خان، بشریٰ انصاری اور گلوکار اذان سمیع کی ڈانس کی ویڈیوسوشل میڈیا پر وائرل ہوگئی۔
ہر دلعزیز اداکارہ ماہرہ خان کے پاکستان سمیت بھارت میں بھی بڑی تعداد میں مداح پائے جاتے ہیں، ماہرہ خان نے بھارتی فلم انڈسٹری میں لیجنڈری اداکار شاہ رخ خان کے مدِ مقابل فلم میں اپنی جاندار اداکاری اور خوبصورت اداؤں کے سبب سرحد پار بھی کافی داد وصول کی تھی، ماہرہ خان، بشریٰ انصاری اور اذان سمیع کی ڈانس ویڈیو سوشل میڈیا پر وائرل ہورہی ہے۔
View this post on Instagram
سوشل میڈیا پر وائرل ویڈیو معروف ڈائریکٹر سلطانہ صدیقی کے گھر ہونے والی شادی کی تقریب کی ہے، ویڈیو میں دیکھا جاسکتا ہے کہ پہلے ماہرہ خان دیگر اداکاراؤں کے ساتھ ڈانس فلور پر جلوہ گر ہوتی ہیں اور اُس کے بعد بشریٰ انصاری اور اذان سمیع ڈانس کرتے ہیں۔ ماہرہ خان کی اس ڈانس ویڈیو کو سوشل میڈیا کے مختلف پلیٹ فارمز پر تیزی سے شیئر کیا جارہا ہے۔
دوسری جانب مداحوں کی جانب سے ماہرہ خان اور بشریٰ انصاری کے ڈانس کو بہت پسند کیا جارہا ہے۔
View this post on Instagram
شادی کی تقریب میں بشریٰ انصاری، ماہرہ خان، اذان سمیع، سجل علی، زارا نور عباس اور اسد صدیقی سمیت دیگر شوبز ستاروں نے شرکت کرکے تقریب کو چار چاند لگائے۔