کلیم اختر:جاپان کےسفیراکاماتسوشوئیچی اور ان کی اہلیہ کا لاہور قلعہ کا دورہ، جاپانی سفیر کے ہمراہ اعزازی قونصل جنرل جاپان لاہور امیر ایچ شیرازی بھی موجود، جاپانی سفیر کے اہلِ خانہ، بیٹے، بہو اور پوتی نے بھی لاہور قلعہ کا دورہ کیا۔
وفد کو والڈ سٹی آف لاہور اتھارٹی کے حکام نے لاہور قلعہ کا تفصیلی دورہ کرایا، وفد کو لاہور قلعہ میں جاری بحالی اور مرمتی منصوبوں پر بریفنگ دی گئی۔
تاریخی ورثے کے تحفظ کے لیے ڈبلیو سی ایل اے کے اقدامات کو سراہا گیا، لاہور قلعہ کی ثقافتی، تاریخی اور فنّی اہمیت سے جاپانی وفد کو آگاہ کیا گیا۔
دورہ پاکستان اور جاپان کے درمیان ثقافتی تبادلے اور باہمی تعلقات کی عکاسی کرتا ہے، جاپانی سفیر نے تاریخی ورثے کے تحفظ میں تعاون پر دلچسپی کا اظہار کیا، لاہور قلعہ کا دورہ دوطرفہ ثقافتی ہم آہنگی کی علامت قرار دیا گیا۔