فہد علی : اکبری منڈی پولیس نے کارروائی کرکے شراب فروش گرفتار کرلیے ، ملزمان کے قبضے سے بھاری مقدار میں شراب برآمد کی گئی ۔
پولیس کے مطابق اطلاع موصول ہوئی کے اکبری گیٹ کے علاقے میں شراب فروشی کا کاروبار کیا جا رہا ہے جس پر پولیس نے مخبر کی بتائی ہوئی جگہ پر چھاپہ مار کر ملزم عاقب ،معظم اور زین کو گرفتار کر لیا۔ ملزمان کے قبضے سے بیس لیٹر سے زائد دیسی شراب برآمد کی گئی پولیس کا کہنا تھا کہ کہ تینوں ملزمان کو حراست میں لے کر کر مقدمہ درج کرکے کارروائی شروع کردی گئی ہے۔