ویب ڈیسک: قطر میں ہونے والے فٹبال ورلڈ کپ سے عالمی شہرت حاصل کرنے والے پیدائشی طور پر نچلے دھڑ سے محروم غانم المفتاح نے ہاتھوں سے چلتے ہوئے عمرے کی سعادت حاصل کرلی۔
عرب میڈیا کے مطابق ٹانگوں سے محروم 18 سالہ غانم المفتاح نے عمرے کی ادائیگی کے دوران وہیل چیئر کی سہولت لینے سے انکار کردیا اور اپنے ہاتھوں سے چلتے ہوئے کعبہ شریف کا طواف کرکے عزم اور ہمت کی مثال قائم کر دی۔
پیدائش سے ہی نچلے دھڑ سے محروم غانم المفتاح نے عمرہ ادائیگی سے قبل عرب میڈیا سے گفتگو میں کہا تھا کہ کیا ہوا اگر میری ٹانگیں نہیں ہیں، مجھے پیدا کرنے والے نے مضبوط ہاتھوں سے نوازا ہے جو میرے لیے ٹانگوں کا متبادل ہیں۔
View this post on Instagram
غانم المفتاح نے کعبہ کا طواف وہیل چیئر کے بجائے اپنے ہاتھوں کے سہارے چلتے ہوئے کیا اور قرآن کی یہ آیت بھی پڑھی کہ اللہ کسی جان پراس کی طاقت سے زیادہ بوجھ نہیں ڈالتا۔
View this post on Instagram
یاد رہے کہ غانم محمد المفتاح کے سوشل میڈیا پر فالورز کی تعداد لاکھوں میں ہے اور انھیں قطر میں ایک ہیرو کے طور پر جانا جاتا ہے۔ اسی شناخت کے باعث انھیں قطر میں فٹبال ورلڈکپ کی افتتاحی تقریب کی میزبانی کا موقع دیا گیا تھا۔
View this post on Instagram
واضح رہے کہ گزشتہ برس قطر میں ہونے والے فٹبال ورلڈ کپ کی افتتاحی تقریب میں امریکی فنکار مورگن فری مین کے ہمراہ میزبانی اور شاندار مکالمے نے غانم المفتاح کو شہرت کی بلندی پر پہنچادیا تھا۔
View this post on Instagram
واضح رہے غانم المفتاح ایک ایسی نادر بیماری میں مبتلا ہیں جس میں نو مولود کے نچلے دھڑ کی نشوونما نہ ہونے کے باعث وہ ٹانگوں سے محروم ہوتا ہے۔