(مانیٹرنگ ڈیسک) سپریم کورٹ نے سابق سینیٹر فیصل واوڈا کی خالی  نشست   پر الیکشن روکنے کی استدعا مسترد کردی۔

سپریم کورٹ میں فیصل واوڈا نااہلی کیس کی سماعت  ہوئی جس میں عدالت نے 9 مارچ  کو سابق وزیر کی  خالی کردہ نشست پر الیکشن روکنے کی استدعا مسترد  کردی۔عدالت  نے اپنے فیصلے میں کہا کہ الیکشن کمیشن منتخب نمائندوں کو تاحیات نااہل قرار دے سکتا ہے یا نہیں اس پروضاحت ضروری ہے، الیکشن کمیشن جوڈیشل اختیارات کس حد تک استعمال کرسکتا ہے اس کا فیصلہ ضروری ہے، یہ اپنی نوعیت کا پہلا کیس ہے، الیکشن کمیشن کے دائرہ اختیار کو دیکھنا ہوگا۔

عدالت کا کہنا تھا کہ 9 مارچ کو ہونے والے سینیٹ انتخابات کا نتیجہ عدالتی فیصلے سے مشروط ہوگا۔