آفاق نذیر: حضرت داتا علی ہجویریؒ کے 983ویں سالانہ عرس کی تین روزہ تقریبات کل سے شروع ہوں گی، جس کے لیے تمام انتظامات مکمل کر لیے گئے ہیں۔
عرس کی افتتاحی تقریب روایتی چادر پوشی سے ہوگی، جبکہ لاکھوں زائرین کی آمد کے پیش نظر 5 ہزار سے زائد پولیس اور قانون نافذ کرنے والے اداروں کے اہلکار سیکیورٹی کے فرائض انجام دیں گے۔
دربار کے اندرونی اور بیرونی حصوں کو رنگ برنگی برقی قمقموں، پھولوں، آرٹیفیشل لڑیوں اور خوبصورت فانوسوں سے سجا دیا گیا ہے۔ زائرین کے لیے وسیع پیمانے پر لنگر کا بھی انتظام کیا گیا ہے تاکہ عرس میں شرکت کرنے والے عقیدت مندوں کو ہر ممکن سہولت فراہم کی جا سکے۔