سٹی 42: لاہور میں بسنت کی تیاریاں، انتظامیہ متحرک ہوگئی ۔  

ڈپٹی کمشنر لاہور نے بسنت فیسٹیول 2026 کے لیے 'کوئیک رسپانس ٹیمیں' تشکیل دے دیں۔​ ہر تحصیل میں عوامی حفاظت اور ہنگامی صورتحال سے نمٹنے کے لیے (QRTs) تعینات ہوں گی ۔ 

اسسٹنٹ کمشنرز کوئیک رسپانس ٹیموں کے سربراہ (کنوینر) مقرر کیے گئے ۔ ٹیموں میں ریسکیو 1122، لیسکو، ایل ڈی اے، واسا اور پولیس کے نمائندے شامل ہیں ۔ 
​نوٹیفیکیشن کے مطابق خطرناک اور بوسیدہ عمارتوں کی چھتوں پر پتنگ بازی پر مکمل پابندی عائد کی گئی ہے ۔  انتظامیہ   نے   2 فروری تک تمام خطرناک عمارتوں کا معائنہ اور فٹنس سرٹیفکیٹ مکمل کرنے کا حکم دیا ۔ 
بوسیدہ عمارتوں کے مالکان سے حلف نامے لیے جائیں گے، خلاف ورزی پر سخت کارروائی ہو گی۔​ڈی سی لاہور نے بسنت کے دوران کسی بھی ناخوشگوار واقعے کو روکنے کے لیے ٹیمیں تیار کرلیں ۔