ویب ڈیسک: اسپین کے رافیل نڈال نے سخت مقابلے کے بعد روس کے ڈینئل میڈویڈیف کو شکست دے کر دوسری مرتبہ آسٹریلین اوپن ٹینس ٹورنامنٹ کا سنگلز ٹائٹل جیت لیا۔ اس کامیابی کے ساتھ ہی رافیل نڈال مینز ٹینس میں سب سے زیادہ 21 گرینڈ سلیم ٹورنامنٹ جیتنے والے دنیا کے پہلے کھلاڑی بن گئے۔
اس فائنل سے قبل نڈال کے علاوہ سوئٹزرلینڈ کے راجرر فیڈرر اور سربیا کےنوواک جوکووچ نے 20، 20 گرینڈ سلیم ٹائٹل اپنے نام کر رکھے تھے۔ لیکن میلبرن میں کھیلے جانے والے فائنل میں انہوں نے روسی کھلاڑی کو پانچ سیٹس میں ہرا کر 21واں گرینڈ سلیم جیت لیا۔
Even after five hours of tennis, Nadal knows how to stay cool ???? #bondisands · @bondisands pic.twitter.com/Plrhhc3gNE
— #AusOpen (@AustralianOpen) January 31, 2022
یہ رافیل نڈال کا دوسرا آسٹریلین اوپن ٹائٹل ہے اس سے قبل انہوں نے آخری مرتبہ 2009 میں یہ ایونٹ اپنے نام کیا تھا،۔13 سال کے وقفے کے بعد یہ ٹائٹل جیت کر وہ ان کھلاڑیوں میں جگہ بنانے میں کامیاب ہوگئے جنہوں نے ہر گرینڈ سلیم ٹورنامنٹ دو بار جیتا۔
ان کھلاڑیوں میں آسٹریلیا کے روڈ لیور اور روئے ایمرسن کے ساتھ ساتھ سربیا کے نواک جوکووچ شامل ہیں۔ جوکووچ کو رواں ماہ آسٹریلوی حکومت نے ویکسین نہ لگوانے کی وجہ سے ملک بدر کر دیا تھا۔
میلبرن میں کھیلے گئے فائنل میچ میں دونوں کھلاڑیوں نے شان دار کھیل پیش کیا۔ ایک موقع پر لگ رہا تھا کہ سیکنڈ سیڈ میڈویڈیف باآسانی میچ جیت جائیں گے، لیکن سکستھ سیڈ رافیل نڈال اتنی آسانی سے ہتھیار ڈالنے کے موڈ میں نہیں تھے۔
21 majors ????
— #AusOpen (@AustralianOpen) January 31, 2022
One @RafaelNadal ????
???????? #AusOpen • ???????? @rolandgarros • ???????? @wimbledon • ???????? @usopen pic.twitter.com/rDASLCnaDH
پہلے سیٹ میں میڈویڈیف نے اپنے تجربہ کار حریف کو دو کے مقابلے میں چھ گیمز سے شکست دی تو دوسرے کا فیصلہ ٹائی بریک پر ہوا جس میں پانچ کے مقابلے میں سات گیمز سے روسی کھلاڑی نے کامیابی حاصل کی۔
سن 2005 کا فرینچ اوپن جیت کر اپنا پہلا گرینڈ سلیم ٹائٹل جیتنے والے رافیل نڈال نے گزشتہ 17 سالوں میں 21 گرینڈ سلیم جیتے ہیں۔ ڈینئل میڈویڈیف کو ہرا کر انہوں نے اپنے کریئر کا 21واں گرینڈ سلیم ٹائٹل جیتا جو کہ ایک ریکارڈ ہے۔
یوں 13 فرینچ اوپن، 4 یوایس اوپن اور دو دو مرتبہ ومبلڈن اور آسٹریلین اوپن ٹائٹل جیت کر وہ مینز ٹینس میں سب سے زیادہ گرینڈ سلیم ٹائٹل جیتنے والے کھلاڑی بن گئے ہیں۔
The happiest man in Melbourne ???????? @RafaelNadal x Norman on tour ???? #AusOpen · #AO2022 pic.twitter.com/6aDOOHKeGE
— #AusOpen (@AustralianOpen) January 31, 2022