ویب ڈیسک: انٹرنیشنل سپیس سٹیشن روسی خلائی جہاز کے راکٹ چلنے سے اپنے مدار سے ہٹ گیا، تاہم مشن کنٹرول کے عملے کے فوری اقدامات کے باعث سٹیشن بڑے حادثے سے بچ گیا۔

امریکی خلائی ادارے ناسا کے مطابق دنیا کے گرد گھومنے والا بین الاقوامی خلائی سٹیشن اس وقت اپنے مدار سے لڑکھڑا گیا جب وہاں پہنچنے والے ایک روسی خلائی جہاز نے غلطی سے اپنے راکٹ چلا دیے، جس کی وجہ سے سٹیشن اپنی بلندی سے 45 ڈگری گر گیا، تاہم مشن کنٹرول میں موجود اہلکاروں نے خلائی سٹیشن کے ایک اور حصے پر نصب راکٹ چلا کر آئی ایس ایس کی حرکت پر قابو پایا اور اب تمام سسٹم معمول کے مطابق کام کر رہے ہیں۔

ناسا کے مطابق اس چھوٹی سے غلطی سے کوئی بڑا حادثہ بھی پیش آ سکتا تھا تاہم مشن کنٹرول میں موجود اہلکاروں کے فوری طور پر ہنگامی اقدامات کی بدولت خلائی سٹیشن کو اپنی متعین بلندی پر واپس آ گیا اور اسے کوئی خاص نقصان نہیں پہنچا جبکہ واقعے کی تفتیش ہو رہی ہے۔

حادثے کے وقت خلائی سٹیشن کے عملے سے مشن کنٹرول کا رابطہ کئی منٹوں کے لیے منتقع ہو گیا تھا، اس حادثے کی وجہ سے ناسا اور ہوابازی کی کمپنی بوئنگ کو اپنے ایک خودکار خلائی جہاز سٹار لائنر کی آزمائشی پرواز بھی 30 جولائی سے 3 اگست تک ملتوی کرنی پڑی۔ 

It takes thousands of people on the ground to ensure the safety of the @Space_Station and crew. The @NASA family’s ingenuity and dedication never cease to amaze me and, on days like this one, I’m more thankful than ever for their unparalleled expertise. https://t.co/5RtRG0VrIY

— Bill Nelson (@SenBillNelson) July 29, 2021