سٹی42 ڈی آئی جی ٹریفک وقاص نذیر کے مطابق 16 سے 18 سال کے بچوں کو مشروط طور پر موٹر سائیکل چلانے کی اجازت ہوگی، اس حوالے سے آرڈیننس کے نفاذ کے بعد لائسنس یا پرمٹ کا اجرا شروع کیا جائے گا۔
پرمٹ حاصل کرنے کے لیے والد یا گارڈین کی اجازت لازمی ہوگی اور بی فارم کے ساتھ والد/گارڈین کی اجازت کا اسٹیٹمنٹ پیپر بھی جمع کروانا ہوگا۔
ڈی آئی جی ٹریفک نے واضح کیا کہ 16 سے 18 سال کے بچوں کو 150 سی سی سے اوپر والی بائیک چلانے کی اجازت نہیں ہوگی۔ اسی طرح الیکٹرک بائیکس بھی ایک محدود حد سے اوپر چلانے کی اجازت نہیں دی جائے گی۔
پرمٹ ہولڈر کا پرمٹ 18 سال کی عمر مکمل ہوتے ہی منسوخ کردیا جائے گا اور اس کے بعد نئے لائسنس کے لیے درخواست دینا ہوگی۔