(جنید ریاض)لاہورسمیت پنجاب بھر میں پرائمری سکولز کھولنےکافیصلہ ہوگیا، صوبائی وزیرتعلیم نے کہا کہ پرائمری سکولز ہمارا سب سے بڑا اثاثہ ہیں،تمام سکولوں کو ایس اوپیز پر عملدآمد کرنا ہوگا۔

تفصیلات کے مطابق صوبائی وزیرتعلیم نے لاہور سمیت پنجاب بھر کے پر کے کھولنے کے بارےفیصلہ سناتے ہوئے کہا کہ لاہور سمیت پنجاب بھر کے پرائمری سکولز کل سے کھلیں گے،صوبائی وزیر تعلیم مرادراس نے ٹوئیٹر کے ذریعے بچوں کو آگاہ کر دیا،ٹویٹ کرتے ہوئے ڈاکٹر مراد راس کا کہناتھا کہ  سرکاری ونجی پرائمری سکول 30ستمبر سے کھل رہے ہیں، پرائمری سکولز ہمارا سب سے بڑا اثاثہ ہیں۔طلبہ کل سےسکول آئیں گے۔

صوبائی وزیرتعلیم کا کہناتھا کہ تمام سکولز ایس اوپیز پر سختی سےعملدرآمد کروائیں گے،ایس او پیز پر کسی صورت نرمی نہیں برتی جائے گی،بچوں کی صحت پر کوئی سمجھوتہ نہی کیا جائے گا،تمام سکولز ایس اوپیز کے حوالے سے اقدامات کو پورا کریں۔

ANNOUNCEMENT:
Public & Private Primary Schools to open tomorrow September 30,2020 in Punjab. This will be the biggest sector of our students coming back to school. My EMPHASIS is to strictly follow SOPs issued by School Education Department Punjab. Zero Tolerance.

— Murad Raas (@DrMuradPTI) September 29, 2020

گزشتہ دنوں اپنے ایک بیان میں وفاقی وزیرتعلیم شفقت محمود کا کہناتھا کہ  کورونا کیسز ایک فیصد سے بھی کم ہیں، ایسے میں سکولوں کو بند نہیں رکھیں گے۔تعلیمی اداروں سے متعلق اب تک کی رپورٹس مثبت ہیں، امید ہے کہ 30 ستمبر تک تمام کلاسسز کھل جائیں گی۔

دوسری جانب   پرائمری سکولوں کےسرپلس اساتذہ کو ریشنلائزیشن کے ذریعے تبدیل کرنےکا فیصلہ کرلیا گیا، ریشنلائزیشن کا آغاز 14 اکتوبر سے ہوگا، ریشنلائزیشن کے ذریعے پرائمری سکولوں میں کم ازکم تین ٹیچرزلازمی دیئےجائیں گے۔مرد اساتذہ کو بوائز اور خواتین اساتذہ کو گرلز سکولوں میں ہی لگایا جائےگا، خواتین اساتذہ کو10 کلومیٹر اورمرد اساتذہ کو 15 کلومیٹر کے حدود میں ایڈجسٹ کیا جائےگا۔