(عیسی ترین )زیارت میں سی ٹی ڈی اور سکیورٹی فورسز کی دہشت گردوں کے خلاف کارروائی،فائرنگ کےتبادلے میں 7دہشت گرد ہلاک ہو گئے ۔
تفصیلات کے مطابق زیارت میں کاؤنٹر ٹیررازم ڈیپارٹمنٹ (سی ٹی ڈی) کے اہلکاروں، سیکیورٹی فورسز اور دہشتگرودں کے درمیان فائرنگ کے تبادلے میں7 دہشت گرد ہلاک ہو گئے ۔
سی ٹی ڈی ذرائع کے مطابق مارے گئے دہشت گردوں کا تعلق کالعدم عسکریت پسند تنظیم بلوچ لبریشن آرمی (بی ایل اے) سے تھا۔
کارروائی دہشت گردی کی مختلف سرگرمیوں میں ملوث عسکریت پسندوں کی موجودگی سے متعلق مصدقہ انٹیلی جنس کی بنیاد پر کی گئی۔
سی ٹی ڈی ذرائع نے تصدیق کی ہے کہ کارروائی کے دوران ہلاک دہشت گردوں کے قبضے سے انتہائی جدید اور بھاری اسلحہ برآمد ہوا ہے۔
یہ امر قابل ذکر ہے کہ اس سے ایک روز قبل کوئٹہ میں سی ٹی ڈی کے اہلکاروں کے ساتھ شدید فائرنگ کے تبادلے میں ایک دہشتگرد ہلاک جبکہ دوسرے نے خود کو دھماکے سے اڑا لیا تھا۔
واقعہ شہر کے علاقے درخشاں میں پیش آیا۔ ہلاک ہونے والے دونوں دہشت گردوں کی شناخت کالعدم تنظیم داعش سے ہوئی ہے۔