ویب ڈیسک:سابق وزیراعظم عمران خان اور وزیراعلی پنجاب کی گزشتہ روز اہم ملاقات ہوئی، ملاقات میں کن اہم موضوعات پر بات کی گئی اس کیااندرونی کہانی سامنے آگئی ہے۔
پاکستان تحریک انصاف کے چیئرمین اور سابق وزیر اعظم عمران خان نے تعلیمی اداروں میں منشیات کی روک تھام کیلئے قانون سازی کرنے پر وزیر اعلیٰ پنجاب چوہدری پرویز الٰہی کو شاباش دیتے ہوئےکہا کہ 'ویل ڈن،چوہدری صاحب !'گزشتہ روز ایوان وزیر اعلیٰ میں عمران خان اور وزیراعلیٰ پنجاب کی ملاقات ہوئی جو دوگھنٹے تک جاری رہی۔
ذرائع کے مطابق ملاقات میں پاورشیئرنگ امور کو حتمی شکل دی گئی اور ہرسیاسی چیلنج کا مل کر مقابلہ کرنے پر اتفاق کیا گیا۔ذرائع کا کہنا ہے کہ عمران خان نے حکومتی امور احسن طریقے سے چلانے پر چوہدری پرویز الٰہی کی تعریف کی۔تعلیمی اداروں کو منشیات سے پاک کرنے کیلئے نئی قانون سازی پر سابق وزیر اعظم بولے ویلڈن، چوہدری صاحب ! یہ اقدام نئی نسل کو تباہی سے بچانے میں ہمیشہ یاد رکھا جائے گا۔
چیئرمین پاکستان تحریک انصاف عمران خان سے ملاقات۔ سیاسی صورتحال، صوبے کے عوام کو ریلیف دینے کے اقدامات پر بات چیت۔ پنجاب میں ترقیاتی منصوبوں اور عوام کے مسائل کے فوری حل کے لائحہ عمل پر بھی گفتگو pic.twitter.com/DYuChMvmXM
— Ch Parvez Elahi (@ChParvezElahi) September 26, 2022
ذرائع کے مطابق چوہدری پرویز الٰہی نے بتایا کہ منشیات کے خلاف منصوبے میں عالمی بینک نے بھی فنڈ دینے کی یقین دہانی کرائی ہے۔اس کے علاوہ عمران خان نے کہا کہ آڈیولیکس سے ن لیگ کی نام نہادقیادت کا اصل چہرہ ایک بار پھر قوم کے سامنے آگیا۔
ذرائع کے مطابق روانگی سے قبل وزیراعلیٰ ،سینیئر وزیر میاں اسلم اقبال اور عمران خان کی الگ ملاقات بھی ہوئی جس میں سیاسی چیلنجز کا مل کر مقابلہ کرنے پر اتفاق کیا گیا۔