سٹی42: خاتون اول بی بی آصفہ بھٹو زرداری سے ریاستہائے متحدہ امریکہ کے قونصل جنرل چارلس گڈمین نے  بلاول ہاؤس آ کر ملاقات کی, اور صحتِ عامہ اور سماجی بہبود کی تجاویز پر تبادلہِ خیال کیا۔

خٓتونِ اول، رکن قومی اسمبلی بی بی آصفہ بھٹو زرداری اور امریکہ کے قونصل جنرل چارلس گڈمین کی اس ملاقات میں  پاکستان اور امریکہ کے دوستانہ تعلقات میں مزید فروغ پر بات چیت ہوئی۔

 آصفہ بھٹو زرداری نے  چارلس گڈمین کے ساتھ پاکستان کی سماجی اور معاشی ترقی، صحت عامہ اور فلاح و بہبود کے شعبوں میں تعاون کی تجاویز  پر بھی تبادلہ خیال کیا۔

 آصفہ بھٹو زرداری کے ہمراہ صوبائی وزیر صحت ڈاکٹر عذرا فضل پیچوہو، سینیٹر شیری رحمان اور سینیٹر قرۃ العین مری بھی اس اہم ملاقات میں موجود تھیں۔