(عابد چوہدری)وارث روڈ پر لیگی ایم پی اے سمیرا کومل پر مبینہ فائرنگ ہوگئی۔ ایس پی سول لائنز نے صوبائی رکن اسمبلی کا الزام مسترد کرتے ہوئے کہا کہ ان کے بھتیجے کا محلہ دار سے جھگڑے ہوا جس پر ملزم نے ہوائی فائرنگ کی ۔
لیگی ایم پی اے سمیرا کومل نے الزام عائد کیا کے ان کے بھتیجے اور گلی کے بچوں میں جھگڑا ہوا جس پر ملزمان نے ان پر فائرنگ کی تاہم وہ محفوظ رہیں جبکہ ایس پی سول لائنز صفدر رضا کاظمی کے مطابق سمیرا کومل پر کسی نے گولی نہیں چلائی۔ خاتون سمیرا کے بھتجے علی اور ارشد کا محلے داروں سے جھگڑا ہوا اورمحلے داروں کی بحث تکرار میں سمیرا کومل بھی باہر کھڑی تھی۔ بحث و تکرار میں ملزم عامر نے 4 ہوائی فائر کیے۔عامر کو پولیس نے گرفتار کر کے اسلحہ برآمد کر لیا۔ایس پی سول لائنز کا کہنا ہے کہ واقع کا مقدمہ درج کر کے کارروائی کی جا رہی ہے۔