سٹی 42 : پاکستان ایویشن اتھارٹی (پی اے اے) نے 24 اور 25 دسمبر کو فضائی راستوں کی عارضی بندش کے باعث اسلام آباد ایئرپورٹ پر پروازوں کی آمد و روانگی متاثر ہونے سے آگاہ کردیا ہے۔
پاکستان ایویشن اتھارٹی کے جاری نوٹم کے مطابق اسلام آباد انٹرنیشنل ایئرپورٹ پر 24 اور 25 دسمبر کو مخصوص اوقات میں آمد و روانگی کی پروازیں معطل رہیں گی۔ 24 اور 25 دسمبر کو صبح 10:55 سے 11:55 اور دوپہر 2:25 سے 3:25 بجے تک پروازوں کی آمد و روانگی معطل رہے گی۔
پی اے اے نوٹم میں مسافروں کو ہدایت کی گئی ہے کہ سفر سے قبل اپنی پرواز بارے متعلقہ ایئرلائن سے معلوم کریں۔