ویب ڈیسک: آسٹریلوی بگ بیش لیگ (بی بی ایل) کی فرنچائز سڈنی سکسرز  نے گیارہویں ایڈیشن کے لیے پاکستانی آل راؤنڈر شاداب خان کے ساتھ معاہدہ کرلیا ہے۔
سڈنی سکسرز کی جانب سے جاری اعلامیے کے مطابق  شاداب خان بی بی ایل کے بقیہ میچز میں سڈنی سکسرز کا حصہ ہوں گے اور لیگ کے اختتام تک سڈنی سکسرز کے ساتھ ہی کھیلیں گے۔ 

I have always enjoyed playing in Australia and the @BBL, these are different and tough conditions so you get to learn a lot. Really excited to be part of the @SixersBBL. Hopefully I can contribute to my team’s success. #smashemsixers pic.twitter.com/OSj1Js1Cg0

— Shadab Khan (@76Shadabkhan) December 24, 2021

اس سے قبل شاداب خان بگ بیش لیگ کے ساتویں سیزن میں ایک اور فرینچائز ’برسبن ہیٹ‘ کی نمائندگی کرچکے ہیں۔ شاداب خان پاکستان سپر لیگ (پی ایس ایل) کی ٹیم اسلام آباد یونائیٹڈ کے کپتان بھی ہیں۔
ان کے سڈنی سکسرز کے ساتھ ہونے والے معاہدے پر اسلام آباد یونائیٹڈ نے لکھا کہ ’شیڈی بیگ بیش لیگ میں سکسرز کے رنگ پہن کر دھاڑیں گے۔‘ ’چھا جاؤ کپتان۔‘
شاداب خان بگ بیش لیگ کھیلنے والے پانچویں کھلاڑی بن گئے ہیں۔ ان سے پہلے حارث رؤف، احمد دانیال، محمد حسنین اور سید فریدوں بھی اس لیگ میں کھیل چکے ہیں۔
شاداب خان کے علاوہ حارث رؤف بھی بگ بیش لیگ کھیل رہے ہیں اور میلبورن سٹارز کی نمائندگی کریں گے۔ فاسٹ بولر شاداب خان اپنا پہلا میچ 27 دسمبر کو برسبن ہیٹ کے خلاف کھیلیں گے۔