(عابد چوہدری)ملت پارک میں ایک گھر سے نوجوان کی لاش برآمد، واقعہ قتل ہے یا خودکشی؟ پولیس نے موقع سے پسٹل اور شواہد اکٹھے کر کے تحقیقات شروع کر دیں۔
پولیس کے مطابق نوجوان کی گھر کی چھت سے لاش برآمد ہوئی ہے،پولیس اور فرانزک ٹیموں نے موقع سے شواہد اکٹھے کیے، پولیس کا کہنا ہے کہ لاش کے پاس سے پسٹل برآمد ہوا ہے۔ پولیس نے لاش تحویل میں لیکر پوسٹ مارٹم کے لئے مردہ خانے منتقل کر دی ہے۔ پولیس کے مطابق واقعہ قتل ہے یا خودکشی؟تحقیق اور تفتیش جاری ہے، اصل حقائق جلد سامنے آ جائیں گے۔